wah… kamurang musti heran kan, kenapa tajuknya begitu. Dalam beberapa hari yang lalu , sia meng-update dan me renovate dis blog. Macam-macam sia try… mungkin ada jua kengkawan yang terlawat time tu… hehehe… sekarang ni dalam proses evaluasi masih… kalau kamurang ada komen atau kalau di browser kamurang tia dapat tinguk blog sia dengan sempurna macam nyanyian Gita Gutawa – Sempurna …. ( eh… bukan Semporna aaa )… bagitau saja sia… Sia cuba try test tu yang expandable post ( ala..yang kasi pendek cerita yang keluar di main page, pastu kalu urang mo baca full post .. klik saja di ‘Bacalah lagi cerita selanjutnya’ atau dalam omputih nya Read More)… si Andrik yang ajar sia tu… konsikou gaman! ( cuba kamurang tinguk lagi didalam… ada lagi cerita sia… belum abis gia
dari semalam lagi sia try upload gambar , tapi tia dapat… rupanya PicasaWeb ada problem… Banyak dan ramai gambar sia mo upload kali ni… dua edisi Spesel… jeng jeng jeng… tia apalah sia bagitau kamurang tajuknya dulu , supaya kamurang ternanti nanti aaa…
episod 1 – PESTA KAAMATAN 2008
episod 2 – SUMANDAK KAAMATAN 2008
apa? sumandak? bah… jangan kamurang lupa mencubuk lagi blog sia aaa… mo pi mandi dulu ni…
harap harap malam ni bulih sudah upload gambar… line pun macam tia okes jak ni… alait (lambat)!
Untuk yang ber karaja selamat karaja
yang putung gatah… selamat putung gatah
yang balajar… selamat balajar
yang sayang selamat bersayang…
