Pesta Kaamatan 2008

Nakuro Gaman ?

Nakuro? ( ehek, bukan Naruto aaa ) … ya, Nakuro sia buat cerita tentang Kaamatan lagi? Aiseh, masih lagi terasa dia punya kehangatan dan kemeriahan bah… Urang urang Sabah di seluruh dunia masih lagi menyambut dan buat majlis di peringkat daerah , kampung , jabatan , kawasan perumahan dan yang sewaktu dengannya… Jadi untuk memeriahkan suasana , sia pun mo bagi tinguk gambar gambar yang sempat diambil oleh kengkawan sia ( Maisol & Awang ) time sambutan Kaamatan 2008 di Hongkod Koisaaan, KDCA Penampang ari tu… bah jemputlah ke dalam, meninguk kita gambar gambar…

“sia mo jadi Incredible Hulk ni… uarghhhh!”

Cantik cantik gambar yang durang ambil ooo…. sia nda dapat datang pi sana. My kakak punya majlis kahwin around that time juga. Family dan sanak-saudara ramai di rumah , jadi nda kan sia kasi tinggal durang kan… bak kata Nabil… Lu Pikir la Sendiri! ehehehe… meh nengok gegambo meh… banyak ni…

“Jemput makan Datuk”
eh.. silakan menjamu selera…

Gaya Mutu Keunggulan

Maisol ngan Man In BLack… ahakz

“Berapa lama kita mo berdiri dalam BARISAN ni? Panas sudah sia rasa”

“Siapa brani masuk? Kah ko mau kluar?

“aiseh… lepas ni mau bawa balik lagi ni Gong Besar”

Untuk cerita akan datang , spesel sikit dia punya cerita… jeng jeng jeng.. tajuknya “Sumandak Kaamatan 2008″… mesti kamurang tertunggu tunggu ni cerita kan… hehehe… bah… Jangan Lupa Lirik… ades… salah plak, Jangan Lupa singgah lagi aaa…

Wah… klasik ooo… best gak kan tinguk tradisional punya pakaian

Sumandak?

Nota: Kalau ada di antara gambar tu ada kamurang punya muka , dan kamurang rasa segan / nda suka / nda mahu kena kasi siar… bagitau saja sia aaa… bah.. konsikou !